ХЭРЭГЛЭХ ЗААВАР

Бэлдмэлийг хэрэглэх заалт:
“Б-СУБТИЛ-99” био бэлдмэлийг төмсний ургалтын үеийн өвчний эсрэг өвчин илэрч эхэлсэн үед болон урьдчилан сэргийлэх, хөрс сайжруулах, тарих үед үр ариутгах зорилгоор хэрэглэж болно. Б-Субтил-99 биобэлдмэл нь ургамлын мөөгөнцрийн болон бактерийн өвчний эсрэг үйлчилгээтэй. Сульдаа, фитофтор, альтернариоз, ризоктониоз, фузариоз зэрэг өвчний эсрэг үр дүнтэй.

Бэлдмэлийг хэрэглэх арга: Бэлдмэлийг хэрэглэхийн өмнө сайтар сэгсэрч, тарилтын өмнө 3л/тн тунгаар ажлын уусмал 40л байна. Ургалтын хугацаанд 5 л/га тунгаар 200-250 л/га ажлын уусмал бэлтгээд өвчилсөн ургамал, навчинд шүршилт хийх, хөрсөнд услалгаа хийх аргуудаар хэрэглэнэ.
Бэлдмэлийг шингэрүүлсэн уусмалдаа таримлын үрийг дэвтээх, үрийн төмс болон үрслэг, суулгац материалыг дүрэх, хөрсийг тарилтын өмнө услан ариутгах, ургалтын хугацаанд илэрсэн өвчинтэй тэмцэх зориулалтаар хэрэглэнэ. Ургалтын хугацааны шүршилтийг 7-14 хоногийн дараа давтана. Таримлын өвчний тархалт, өвчлөлийн зэргээс хамаарч, давталтын тоог нэмж болно. Био бэлдмэлийг ургалтын хугацаанд тариалалд өвчний шинж тэмдэг илэрч эхэлмэгц хэрэглэвэл үр дүн нь илүү өндөр байдаг.

Био бэлдмэлийн давуу тал: Ургамалд үлдэгдгүй, өвчин үүсгэгч организмд дасал болохгүй.

ҮР ДҮН

Хөдөлмөр хамгаалал аюулгүй ажиллагааны заавар: “Б-СУБТИЛ-99” био бэлдмэлийг хэрэглэхдээ хөдөлмөр хамгааллын зааварчилгааг мөрдөнө.
Бэлдмэлийн сав, баглааг хүнсний зориулалтаар хэрэглэхгүй.

Хадгалах горим: Нарны шууд тусгалаас хол, анх савласан савтай нь хадгална.

Хадгалах температур: 4°C–25°C хэм

Хадгалах хугацаа: 6 сар. Задласнаас хойш 14 хоногийн дотор хэрэглэнэ. Ажлын уусмал бэлтгэсэнээс 1 хоногийн дотор хэрэглэнэ.